Skulemuseet

Skulemuseet på Voll ligg rett opp for Voll nye skule, midt i Vollagrenda.

I eit klasserom (skulstugguloftet) på gammelskulen på Voll har iherdig innsats frå ekteparet Birgit og Styrkar Foss forma Rennebu Skulemuseum.

Det har ikkje fast opningstid, og er derfor heller lite brukt. Men museet har mange ting som fortel om utviklinga av skulen i kommunen.
Her finn du mellom anna gamle skulepultar og undervisningsmateriell, som ligg langt frå vår tids skulekvardag. Eit kulturminne som det er vel verdt å ta vare på.

Innanfor skulemuseet er det óg ein god del bøker og ting som foregangsmannen og bygdeoriginalen Sjur Brattset (1807 - 1899) har laga og ått.